//完全冇諗過尹光會唱一首真正2023年風格的Cantopop ballad，搵來真係活躍嘅創作班底同樂手，用埋真弦樂，早兩日聽完之後我認定《Dear Myself》係今年目前為止最佳廣東歌，絕對唔係開口埋口就係「世一」嗰種信口開河式高帽。
《Dear Myself》有好多意想不到嘅驚喜喺裡面。呢首歌竟然將現代流行「冧歌」同大笪地次文化無縫接軌，拉闊對廣東歌嘅想像，雖然光b之前嘅Hip Hop & Rap作品已經做到呢樣，但對佢嚟講，《Dear Myself》嘅風格一定更加難接招，亦都顯露出尹光音樂罕見嘅細緻。而作為聽眾嘅我，可以預先想像《潮童》同《少理阿爸》係乜嘢一回事，但《Dear Myself》個intro一響起真係完全措手不及。我有幾秒鐘以為只係惡搞《Dear My Friend》，最後發現係玩得高明得多。
另一難得嘅驚喜，係《Dear Myself》講嘅係歌手個人嘅唏噓，之前光b嘅歌，道盡小人物小市民嘅人生百態，偏偏就係冇「我」喺裡面，《Dear Myself》觸及歌手個人內心深處點睇自己，尹光唔再係卡通人物般只有開心嘅一面，廟街歌王唔攪笑嘅時候一樣有血有淚，以「十四座」、「數波波」、「荷里活」等貫穿其中，有幽默有洋蔥，亦都更加確定呢首歌只可以專屬於地球上唯一一個人。。。//
全文:
https://www.patreon.com/posts/89297662?pr=true
**成為Patreon付費會員，每月只需5元美金，可暢讀所有文章及收聽每月聲音專欄
